Дукха бераш долча дезала бокъонаш меттаоттаеш, гӏо дир мехкарча УПЧ
18 шерга кхачанза дола диъ бер кхоабаш ягӏа мехкара яхархо яр, сага бокъонех волча викалга латкъаш. Диъ бера юкъера цхьа бер заӏапхо да цун. Дог дехача кхалсага белгалдир, хӏара бетта ӏаьдалгара хьадоагӏаш долча ахчанца кхоачамбоацараш нийслу, аьнна.
Укх шера тушола бетта денз, электронни оагӏонца дехар чулуча хана, цхьацца хало нийслу цун. Из болх боаггӏача боараме дӏабихьабац йоах цунга, бакъда кхалсаг ше, Вахара ганза моттиге дӏатӏаяха, деррига каьхаташ дӏахьекха я царга.
«Россе Вахара оагӏонцарча ганзага гӏолла хьатехкар сага бокъонех волча викала из гӏулакх. Дӏабихьача балхо хьагойтар, кхалсага цӏен - даьца дувзаденна каьхаташ цхьантайпара харцахьа хиннилга. Из деррига боаггӏача боараме хьатоаде новкъостал дир, йиш еха кхийстача кхалсага.
2026-ча шера бекарга бетта 1-ча денгара 2027-ча шерарча тушола бетта 31-ча денга кхаччалца йолча хана, цу диъ берах хӏара бера 17 269 эзар сом ахча доагӏаргда ӏаьдалгара», - дийцар «Сердалога» УПЧ.
