ЖКХаца дувзаденнарех дувцаш, кхетаче дӏахьоргья мехкарча УПЧ
ЖКХ дувзаденнарашта хетаяь йола кхетаче дӏахьоргья вай мехкарча сага бокъонех волча викала Цӏечой Ибрахӏима, укх бетта 6-ча дийнахьа. Из хоам «Сердалога» кхаьчар цигара.
Бахархой хаттараш доашхаш хургба цу оагӏонцарча декхарех бола болхлой. Цу юкъе ба ООО «Газпром межрегионгаз Наьсаре», АО «Газпром Наьсаре газ лоаттаяр» яхача моттига кулгал ду Лаьнанаькъан Элберд, «Хин гӏулакхех вола Цаӏ вола оператор» яхача ГУПа кулгал ду Курсайнаькъан Муса, иштта «Къилбаседа Кавказа Россеташ» яхача ПАО оагӏон керттерча инженера гӏонча Осканаькъан Ислам, Госжилинспекце балха тӏахьожам лоаттабеча оагӏон хьалха латта Гӏогӏанаькъан Хьусен. Газаца, хица, токаца дувзаденна моллагӏа хаттар тахка, боаггӏача боараме довза аьттув хургба наьха.
Цига дӏатӏаводача сагага ший паспорт, иштта ше тӏахьоча гӏулакхаца дувзаденна каьхаташ хила деза.
