Ший цӏенна гаргагӏа йолча набахта мехкахо хьавоалавеш, къахьийгар УПЧ
Лаьца боахкарий шоай гаргарча нахаца бувзам лоаттабе аьттув хургболаш, къахьег мехкарча УПЧ. Сага бокъонех вола викал волча ший бала кодабе, оарц деха вера мехкахо. Цо дийцачох, Селий мехкарча тохкама изоляторе вар цун воша цу хана, ха такха езача колоне дӏахьожаваргва хьежаш. Гӏо деха веначо белгалдир, шоай таро во йолга, цунга хьежжа гаьнарча моттигерча набахта из хуле, цунна тӏехьааха вӏаштӏехьадаргдац. вахара хьал хала хиларах.
«Деррига техкача, сага бокъонех волча викала Россе ФСИНе каьхат дахьийтар, гӏо дар дехаш. Таро во йолча наьха хьал теркалдийя, цӏенна гаргагӏа йолча набахта хургволаш вӏаштӏехьадаккхар дехар цо. Дикка къахьийгачул тӏехьагӏа, Хӏирий мехкарча набахта ха токхаргйолаш витар из саг», - дийцар «Сердалога» мехкарча УПЧ.
Хӏанз цӏагӏарча наха хала хургдац лаьца воаллача шоай воӏа тӏехьааха.
