Бахархой тӏаийбеш ди дӏахьоргда мехкарча УПЧ
23.01.2026 11:04
Укх бетта 28-ча дийнахьа бахархой тӏаийбу ди дӏахьош хилар УПЧ, Россе Вахара оагӏонцарча ганза республикерча моттига болхлой юкъе болаш. Бахархой вахара оагӏонцара бокъонаш лораяра тӏехьа дӏахьош болх бар из. Моллагӏа хаттар дашха, шоашта къувлараш царга гӏолла тахка аьттув хилар наьха.
«Бахархой тӏаийбеш хургвар сага бокъонех вола викал Цӏечой Ибрахӏим, республикерча Россе Вахара ганза оагӏон кулгалхочун гӏонча Дахкилганаькъан Руслан.
Хьатӏавоагӏача сагага ший паспорт хила дезар, иштта ше тӏадахьача хаттарца дувзаденна дола каьхаташ а. Уж хилча, гӏулакх ма дарра довза аттагӏа дар», - дийцар «Сердалога» УПЧ. Мехкарча наха шоай вахаре нийсденна цхьаццадараш хьатахка дика аьттув бар из.
