Берашта хьадоагӏача ахчан боарама гӏулакх къовсаме даьннача мехкахочунна гӏо дир УПЧ
Барайтта шерга кхачанза дола кхо бер кхедеш ягӏача Сурхо тӏарча яхархочунгара, лоткъам кхаьчар мехкарча УПЧ. Цо белгалдечох, укх шера саькура бетта 75%-га кхоачаш ахча хьахьожадаьд цун кхаь бера, хӏета из геттара лохдаьрг лоархӏ цо. Из гӏулакх тахкар дехаш яр, йиш еха мехкахо.
«Сага бокъонех вола викал оарцагӏваьнна, Россе Вахара оагӏонцарча ганза болхлоша баьча тохкамо гучадаьккхар, пособе боарам къоастабеча хана; фусама, ЖКХ оагӏонцарча балхаца гӏалатло нийсъялийталга. Технически оагӏонца нийсденна из хӏама бахьан долаш, ахча юххьанца кхыча сага чёта тӏа дӏатӏадахийтад, тӏаккха юхадерзадаьд. Сага бокъонех волча викала Волгоградски прокуратураца бувзаме ваьнна, хьатехкар из деррига. Цар дезала вӏалла хьатӏадоагӏаш доаца ахча ӏотӏаяздарах лохдаь хиннад берий рузкъа», - йоах «Сердалога» УПЧ бенача хоамо.
Волгоградски областерча прокуратурас СФР тӏадиллар деррига боаггӏача боараме хьаоттадийя, кхалсага берашта 100%-га кхоачаш пособи хьожаде, аьнна.
Прокуратура болхлой тӏахьожаш ба цу гӏулакха. Нийсденна кхоачамбоацараш ма хулла сихагӏа юстардаха дезаш ба цу оагӏонца къахьегараш.
