Саг ший бокъо яккха йиш йолаш волга хьахайтар УПЧ
Жӏайрахьа кхален вахархо латкъаш, каьхат кхаьчар сага бокъонех волча викала балха моттиге. Ший виӏий бокъонаш телхаеш, суд еш бола болх боаггӏача боараме дӏа ца хьош лелабу, яхаш, яздора цо.
Лоткъамо белгалдечох, Москве ӏаьдала дӏалаьцача цун воӏа цхьаккха тайпара цох хьокхалуш доаца хӏама тӏатетт, тахан ӏаьдалга диллача а из бехке волаш дац гӏулакх. Ма дарра аьлча, цо цадаьр да цун воӏа тӏатеттар.
«Вай мехкарча сага бокъонех волча викала РФ сага бокъонех волча викалга гӏолла хьатехкар из гӏулакх. Федеральни оагӏоно тӏадилла, Россе МВД ГУ гӏолла, дар гучадоаккхаш, болх дӏабихьар; хӏаьта цо хьаоттадаьр хьалха хиннар дикка кӏаьддеш да.
Хьадийлла хинна гӏулакх а юхасоцадир шаккха оагӏорахьара юкъера дов дӏадаккхарах», - дийцар «Сердалога» мехкарча УПЧ. Цу гӏулакхо цӏаькха а хьагойт, сага бокъонех болча оагӏоно, ший декхараш дизза кхоачашдеш, къахьегилга.
