ГIалгIайчен культуран, исторе сайре хилар Санкт-Петербурге
ГIалгIай къаман доккхача исторе, культуран, даьй беркатеча Iадаташта хетаяь сайре дIайихьар Нева хи тIа уллача шахьаре, укх бетта 29-ча дийнахьа. Кагирхой мехка Ассоциаци, ГIалгIайчен массазара викал вола моттиг яр цу гIулакха хьалхаэттар. «Сердалога» из хоам мехкарча Паччахьалкхе бир.
Санкт-Петербурга Ди дездара хетаяь яр «Моттигерча кагирхой денош» яхача проектаца бувзам бола из кхетаче. ГIалгIай къаман культура, кавказхой лаьтташка хьаьша тIаэцар, беркате Iадаташ дайзар гулбеннарашта цу дийнахьа.
Дакъа лоацараша гIалгIай къаман лоархIамедарашцара шоай бувзам, цу оагIонцара кхетам гучабаьккхар. Вай къаман даьй-ноаной Iадатех кийчдаь чаме дола даараш довза аьттув бар цига.
Юкъарча оагIонцара болх дIахьош болча цIихезача нахаца къамаьл де, юкъера барт, безам чIоагIбе йиш йолаш моттиг хилар цох. Тайп-тайпарча мехкашкарча кагирхошта вIаший бовза, цхьаццадараш дIа-хьа эца моттиг яр из.
