Гӏалгӏайчен Лакхехьарча Судá баркал аьлар, цӏий дӏалуш дакъа лацарах
Гӏалгӏайчен Лакхехьарча Судá Российски Цӏеча Жӏарга совгӏат делар, цо цӏий дӏадалара корпоративни культуран оагӏув дегӏайоалаеш дика дакъа лацарах, яхаш, дийцар «Сердало» газетага ГӏР ВС зарбан болх лелабераша.
«2025 шера Гӏалгӏай Республикан Лакхехьарча Судо кхоачашйир, Сийлахь -боккхача Даьймехка тӏем тӏа Котало яьккха 80 шу дизара, Даьхен бӏухой Шу хилара хетаяь проект», - аьлар хоамо.
Из дика проект хилар бахьан долаш дегӏадоагӏаш да наха юкъера дика гӏулакх. Хӏара донора, цхьан сага вахар кӏалхардоаккхаш шийгара юкъедоаккх мах баь варгвоаца дика гӏулакх.
«Шоай лоӏаме болаш, цӏий дӏалуш хилар дегӏадоагӏаш хиларах, яьккха ролик гойт Гӏалгӏай Республикан Лакхерча Судо ший лаьрххӏача сайта тӏа: https://vs--ӏng.sudrf.ru/modules.php?name=press_dep&op=1&dӏd=260, «ВКонтакте»: https://vk.com/wall-224483605_2481 иштта ГӏР Лакхехьарча Суда telegram-канале: https://t.me/verhsudӏng/2421.
2025 шера лайчилла бетта ГӏР Лакхехьарча Судá, «Хӏара дӏабенна цӏий тӏадам- юкъарча Коталон дакъа» яхача проектах, Российски Цӏеча Жӏарга совгӏат делар, «Корпоративни даькъ тӏа цӏий дӏадалар доаржадара дикагӏа йола проект» яхача номинацех», - аьлар хоамо.
Хӏара шера аьтинга бетта 14-ча дийнахьа, белгалду цӏий дӏадалара Дерригдунен ди. Цӏий дӏалуча дакъа лоацаш, республикан Лакхехьарча Суда паччахьалкхен гӏулакха болхлош дика масал гойт шоаш наха новкъостал дара кийча хилар белгалдеш.
