ГӏалгӀайчен Ӏаьлий-Юрта бӀаьсти хьаелларгья йоккха дарбанче
Карарча шера бекарга бетта ГӏалгӀайчен Ӏаьлий-Юрта; керда, йоккха дарбанче хьаелларгья, яхаш, дийар «Сердало» газетага ГӏалгӀай республикан Кулгалхочун зарбан болх лелабечо.
«Из лоархӀаме да цу юрта бахача наха. Укхаза вах 7 эзар гаргга саг, кастлуш лорий новкъостал царна гарга хургда, гаьна баха ца безаш. Тхона лоархӀаме да гӀишло хьалъяь а ца Ӏеш, бахархой вахара хьалаш тоадар. Укх тӀехьарча шин шера оаха хьайийллай Сурхо тӀара амбулатори, Южнера ФАП, Тӏой-Юртара дарбанче», - аьлар мехка кулгалхочо Келаматанаькъан Махьмуд-Ӏаьлас.
Карарча хана юртхой ух къаьнарча амбулаторе, лорий гӏо эшаш. Керда дарбанче хургья 30 саг цига Ӏовижа йиш йолаш, дийнахьа 100 саг тӀаэцаш. Цига хургва терапевт, хирург, педиатр.
Иштта цига хургья рентгена, физиотерапе, могашал тахкара кабинеташ, кхыдола гӏирсаш.
Дарбанче хьалъеш я «Дӏаьха, хьинаре вахар» яхача моттигерча проектах, из могаеш я Российски Федераце Президента.
Белгалду, хӀара шера ГӏалгӀайчен унахцӀенон даькъ тӀара хьал, ший болхлой таронаш тоаеш, материально-технически кийчо еш да.
