Вай мехкарча СВО ветерана Албохчанаькъан Джабраила, хьабаь ког байтаб
04.03.2026 15:24
«Даьхен лорабой» яхача ганза болхлоша кóга протез дӏаелар, СВО ветеран волча Албохчанаькъан Джабраила. Из хоам «Сердалога» бир ганза кулгалхочун гӏонча йолча Джанхотанаькъан Мадинас.
«Тӏема аренашкара декхараш кхоачашдеш, аьрда ког боацаш висар вай мехкахо. Кхо протез эшаш вар мина эккхаш лозаваь Джабраил. Царех цаӏ хӏанз хьаийцар бӏухочо, хӏаьта вожаш а, ца говш, хьакхоачаргйолаш я. Из болх чакхбаьлча, могашал меттаоттаеш, дарбанче ха йоаккхаргья цо», - дийцар тха газетага.
ӏасаш йоацаш, лела йиш йолаш ва бӏухо хӏанз. Хьалхагӏа «Сердало» газето яздаьдар, «Даьхен лорабой» яхача ганза доакъашхой цу сага эшаш долча хӏаманга хьожаргба, цун хьашташ кхоачашдергда, аьнна.
