«Эрзи» яхача лагере, Денала урок дӏайихьар СВО ветеранаша
«Эрзи» яхача берий лагере Денала урок дӏахьош хилар Украинерча тӏема операце ветеранаш. Из хоам «Сердалога» бир «Даьхен лорабой» яхача ганза моттигерча филиала болхлоша.
«Тӏема операце ветераний Ден хетаяьча кхетаче дукха бераш гулделар. Тахан турпалаш хинна, Даьхен хӏама лорадеш латтараш бовза безам бар хӏаране. Тӏема аренашка шоашта дайнарех, цу моттигашка эггара чӏоагӏагӏа лораде дезарех дийцар къонабарашта Темарханаькъан Амирана, Дзангенаькъан Хьусена, Йовлой Беслана. Даьхе езар, лархӏар хӏара сага доккха декхар долга, бера хана денз уж оамалаш ший дегӏаца чӏоагъӏеш ураотта везилга белгалдир тӏема операце ветеранаша. Тӏема вузашка деша отташ эггара лоархӏамедараш малагӏаш да тохкаш хилар бераш цу дийнахьа», - дийцар тха газетага.
Цу кхетаченна «Турпалхо» яха СВО доакъашхоех дола журнал, иштта сурт делар ветеранаша лагера. Цу тайпара йола кхетаченаш лорхӏаме я тахан кхувш латтача къонабарашта, доттагӏал, машар, барт яха хӏамаш дикагӏа довз царна. Къонабарий дукха хаттараш хул СВО доакъашхошка, исторе лоархӏаме дола хӏамаш довзийт царна таханарча турпалаша.
