Илдарха-Гӏалан СВO ветеранашта психологически новкъостал ду
Илдарха-Гӏалий тӏарча лаьрххӏача тӏема операце ветеранашта психологически новкъостал дергда говзанчаша, яхаш, дийцар «Сердало» газетага «Даьхен лорабой» ганза кулгалхочун гӏончас Джанхотанаькъан Мадинас.
«Бӏухошта психологически новкъостал дара хаттараш дувцаш герга истол дӏахьош, шахьара мэре гулбелар психолог Пхьогоранаькъан Райшат, тӏема ветеранаш Хьаьшанаькъан Руслан, Темарханаькъан Амиран, Чопанаькъан Мухьмад, Хамхой Ислам, Хазанаькъан Ювсап. Доакъашхоша дийцар тайп-тайпарча хаттарех, болх дӏабахьарах, садахара упражненешца, самукъадаккхара хьалашца сага паргӏато ярах. Укхаза хӏара саг шийна хетар ала йиш йолаш вар, из хьаллоацаш вӏашагӏдехка хьалаш дар, шоайла хьаллоацаш, новкъостал деш хилар белгалдеш», - аьлар хоамо.
Пхьогоранаькъан Райшата белгалдир йийллача юкъарлон лерхӏам боккха хилар, шоайла хьаллоацаш хилар бахьан долаш. Цул совгӏа, цо дитар бӏухошта профессиональни даькъ тӏа могадеш дола хьалаш, цар кхерам дӏабаккхара, психологи меттаоттаяра даькъ тӏа.
Доакъашхоша вӏашагӏкхетар дӏадихьар тешам луча кепара, цо таро елар шо-шоашта хетар ала, дагабала, шоай истори дувца, халонаш дӏаяха.
