СВО доакъашхой хиннараш вӏашагӏкхийтар Гӏалгӏайчен хургболча ӏаьдала болхлошца
Илдарха-Гӏалан паччахьалкхен, доал деча даькъ тӏарча гӏулакха Колледжа студентий вӏашагӏкхетар хилар вай заман турпалхошца, денала урок дӏахьош. Из болх вӏашагӏбеллар «Даьхен лорабой» ганза Гӏалгӏайчен филиала вахара оагӏонцара болх лелабеча Темарханаькъан Ӏийсас. Цига керттера дакъа дӏалоацаш бар СВО тӏема ветеранаш Мухлой Микаил, Мархенаькъан Мухьмад, Йовлой Беслан, Хамхой Ислам, Темарханаькъан Амир, Оздой Хьусен. Цига иштта дакъа лаца баьхкабар моттигерча мэре викалаш, юкъарло Осканаькъан Аслан.
«Сердало» газетага, «Даьхен лорабой» ганзе ма аллара, уж вӏашагӏкхетара керттера хаттар дар ӏадаташ лорадар, цар мах бараш чӏоагӏдар, кхувш йоагӏача тӏехьенна кхетам балар, шоай Даьхен турпалхой царна бовзийтар.
Къамаьл дӏахьош, лаьрххӏача операце доакъашхоша дийцар студенташта тӏема мугӏарашка нийслуча хьалех, денал гойтарах, чӏоагӏа доттагӏал леладарах. Кагирхоша терконца ладийгӏар боккхагӏчар дувцачунга, иштта шоаш а хилар цу юкъе дакъа лоацаш.
Вахара оагӏонцара болх лелабеча Темарханаькъан ӏийсас яхачох, бӏухошца къамаьл хиларо, лекцешка луш болчул дикагӏа кхетам лу кагирхошта. Кхетаче чакхйоалаш колледжа тоабо баркал аьлар лаьрххӏача тӏема операце бӏухошта, цул тӏехьагӏа дагалоаттама сурташ даьхар.
