Саг вувш, новкъа хиннача хатара бехкевар набахта гӏоргва
05.03.2026 11:54
Наьсарен-Шахьара вахархо суда хьалхашка оттаргва, новкъа хиннача хатара бехке хиларах, яхаш, дийцар «Сердало» газетага ГӀР прокуратуре.
«Тохкамхоша яхачох, бехке тӏатетташ вола саг 2025 шера маьцхали бетта 2-ча дийнахьа Наьсарен-Шахьаре, «HONDA ELYSӏON» тайпарча машинаца воагӀаш, корта бохабу малар менна хиннав; никъ ца буташ,
«ГАЗ 33021» автомобила тӏакхийттав из», - йоах бокъонаш лолраераша. Из бахьан долаш, мухь кхухьаш йолча машина водитель цига хиннача човнех кхелхав.
Цу гӀулакхага хьожаргья ГӀР Магаса кхален суд.
