ЦУРа балхах дийцар мехкарча хьакимаша
Вай мехкадас Келаматанаькъан Махьмуд-ӏаьлас белгалдир, мехка доал деча моттига болх тахан бахархошца бувзам хилара оагӏув хьаийцача лоархӏаме болга. «Сердалога» из хоам бера мехкадаь зарбан болх лелаберашкара.
«ЦУРе наьха дехараш тӏаэцарал совгӏа, царцара кхоачамбоацараш меттадоаладара тӏехьа къахьег, хӏаьта из чӏоагӏа лоархӏаме болх ба тахан. Ишттача бувзамга гӏолла дикагӏа довз наха къувлараш, цар вахар халагӏа дераш», - белгалдир Келаматанаькъан Махьмуд-ӏаьлас.
ЦУРага гӏолла дола дехараш дикагӏа, сихагӏа доашхилга теркалду бахархоша. Дӏадахача кӏира 19% дехар тӏаэца, уж дерригаш тохкаш болх дӏабахьа аьттув баьннаб.
Дехарашта жоп далара гӏулакх, пхи сахьат ха ялалехь, вӏаштӏехьадоалар; хӏаьта из болх боаггӏача боараме, дика дӏахьора. Эггара дукхагӏа дехараш Илдарха-Гӏалий тӏара, Наьсарера, Магасера да.
Иштта болх дӏабахьаро гучадоаккх малагӏча шахьаре, юрта карарча хана кхоачамбоацараш да. Эггара чӏоагӏагӏа бахархошта къувлараш ЖКХаца дувзаденна хул. ЦУРага гӏолла деррига тахка йиш хул наьха, хӏаьта из тахан геттара лоархӏаме да.
