Никъ мишта тоабаьб хьажа арабаьлар Илдарха-Гӏалий тӏара хьакимаш
05.02.2026 09:08
«Кавказ – Наьсаре - Магӏалбик- Н.Курп-Терек» яха никъ меттабоалабеш дӏабихьача балхагӏа хьажа арабаьлар шахьарера хьакимаш.
«Кхераме доаца наькъаш» яхача федеральни проектага гӏолла чакхбаьккха болх ба из. «Пхи километр бола никъ тоабеш баьхкар болхлой. Керда асфальт ӏобилла, гонахьара моттигаш тоайир цига. Никъ тоабара болх малагӏча боараме дӏабихьаб тахка арабаьнна шахьара даь гӏонча Джандиганаькъан Азраил, Горсовета депутат Овшанаькъан Ваха раьза болаш бар.
Ма дарра аьлча, никъ дика тоабаьб», - дийцар тхога администраце. «Из никъ лоархӏаме ба. Ишттача моттигий хьал боаггӏача боараме хилийтара тӏахьожам лоаттабу оаха», - аьлар шахьара кхела хьалхалаттача Хамхой ӏалихана.
