ЖКХ оагӏонцара декхараш бахархоша ханнахьа дӏатергдолаш, къахьег Илдарха-Гӏалий тӏарча ӏаьдало
ЖКХ оагӏонцара ахча бахархоша боаггӏача боараме дӏатергдолаш къахьег Илдарха-Гӏалий тӏа. Шахьара мэр волча Дидиганаькъан Ахьмада тӏадилла, лаьрхӏа оттаяь тоаба я цу оагӏонцара болх дӏахьош.
«Сердалога» из хоам бир шахьара администраце. «Тока, хин, газа оагӏоний болхлоша, геттара раьза болаш, хьаллаьцар из хӏама. Бахархоша, иштта шахьарерча моттигаша шоай дӏадала деза декхар боаггӏача боараме, ханнахьа дӏатергдолаш; юкъедоаладе дезача кердадарех дийцар цхьана дӏайихьача кхетаче», - хоам бу тха газетага.
Газа, тока, хин оагӏонашцарча болхлоша белгалдир; Илдарха-Гӏалий тӏа из гӏулакх дӏадахача шера хинначул дикагӏа латтилга: газах - 58,5%, токах – 57%. МРГ из гӏулакх дикка хьаллацарга сатувсаш ба мэре.
Шахьаре дӏакхухьаргья полици, мэри, юкъарлон оагӏонцара, иштта кхыйолча моттигашкара болхлой юкъе бола рейдаш.
