Моттигаш тоаю программа йоаржаеш ба Илдарха-Гӏалий тӏара хьакимаш
Кердача, зӏамигача кхален моттигашка; къаман проекта программа йоаржаеш ба шахьарера хьакимаш. Карарча хана хин хьал меттадоаладеш боахк цига. «Сердалога» из хоам бир шахьара мэре зарбан болх лелабеча Кхорахой Мурада.
«Мехкара вахара хьал тоадарах йолча къаман проектага гӏолла чакхбоаккхаш болх ба из. 5 эзар совгӏа метр йолча моттиге хин турбаш чуйоахкаш боахк тахан. Цул тӏехьагӏа, хий дӏа -хьа дохийташ йола моттиг тоаергья (4,6 эзар м). Тӏадоагӏача шера хьакимаша 5, 9 эзар совгӏа метрага кхоача догӏан хишта лаьрхӏа моттиг е лерхӏ. Дӏадахача шера цу балхашта лаьрхӏа 44,9 млн сом рузкъа хьакъоастадаьдар, укх шера - 109, 7 млн сом, 2027-ча шера 104 млн сомага кхоачаш хургда из гӏулакх», - дийцар тха газетага. Шахьара 30 шу дузача хана, бахархошта доккха совгӏат деш йолаяь программа я из.
