Наькъашкара хьал лорадеш ба ГИБДД болхлой, Наьсарера хьакимаш
23.01.2026 14:31
Наькъашкара хьал лораде арабоалача Наьсарерча Россе ГИБДД ОМВД болхлоех дIакхийтар шахьарера администраци а. Из хоам «Сердалога» бир мэре.
«Рейд дIахьош хиннараш бар ГИБДД кулгалхо, ДПС инспектораш», - йоах тхога бенача хоамо.
Бокъо йоацача моттигашка машинаш Iоувттаяр, сецаяр дар теркалдеш хиннар. Цу гIулакхаша йоккха новкъарле ю урамашка.
Бокъо йоацача моттиге сецача цхьан сага шийна тIехьа дукха машинаш совцаю.
Рейд дIахьоча юкъа ши машин Iочуйигар болхлоша РФ КоАП 4-ча даькъа 12.16 ст. гIалатбаларах. 2250 сом ахча дала дезаш, гIод техар шинна машина даьшта.
Шахьара хьакимаша, Iаьдала болхлоша наькъашкара бокъонаш боккъал а лораеш хила, яхаш, кхайкарал ду бахархошка!
