Шолже тоабеш латт Осканаькъан урам
12.05.2026 16:16
Аьтинга бутт чакхбалале цу даькъ тӏара хувцамаш йистедаргда. «Из доазув, тоае езача юкъарча моттигашта юкъедахад, кхадж тоссача хана. Из болх дӏабихьабар дӏадахача шера бӏаьсти.
Хӏанз из болх бераш къаьнара асфальт хьалбоаккхаш ба, жагӏа буллаш никъ нийсбеш, керда асфальт ӏобилла кийчлургба. Говзанчаш лаьрхӏа ба урам тӏа сердал ххилийта, наькъа йистошка кхера билла, 200 метр бӏаьха бола никъ массайолча оагӏорахьара кердабаккха», - аьлар шахьара мэре.
Къаьстта терко тӏайохийташ да доазув баьццардерзадар. Проекта чудоагӏаш, дӏахьош да гаьнаш яӏар, цо урамаш кердадоах, шахьара дика хьалаш хьакхолл.
