Лаьтта ца доагӏача тайпара леладарца, къовсам лоаттабеш ба Шолжа-Шахьаре
Цхьацца гӏулакхашта лаьрхӏа йолча моттигашка шоай лоӏаме, ца доаггӏача тайпара болх лоаттабара духьале еш ба шахьарера хьакимаш. Иштта цхьа моттиг гучаяьлар царна укх наькъа.
«Рейд дӏаяхьа арабаьннача экономиках, ахчанцарча гӏулакхех болча оагӏон болхлоша теркалдир, лаьттан доазон тӏара болх цхьан вахархочо ца доаггӏача тайпара дӏахьош болга. Цӏа хьалде дезаш долча 400 кв. м. доазон тӏа, кхача бохкаш йола склад хьайийлла, болх дӏахьош ба.
Цу гӏулакха каьхаташ оттадир рейд дӏахьош хиннараша. Цу доазон доал деш волча сага лаьттан гӏулакхех йола бокъо йовзийтар, лаьттан доазон гӏулакх хила дезача тайпара хьатоаде, аьнна, тӏадиллар», - дийцар шахьара администраце. Цхьацца гӏулакхашта къоастадаь долча лаьттан доазонаш тӏа малагӏа болх бу хьожаш хургба Шолжа-Шахьаре дӏахо а.
