Машинашта газ лоаттаю станци дӏакъовлар дийхар Шолжа-Шахьарерча хьакимаша
30.06.2026 09:10
Шолжа-Шахьарерча Хьоашаланаькъан (хьалха хинна Бояджиева) цӏерах болча урамера АГЗС дӏакъовла, аьнна, тӏадиллар цигарча хьакимаша. «Рейд дӏаяхьа арабаьннараш бар шахьара даь гӏонча Келаматанаькъан Танзила; иштта экономиках, рузкъан гӏулакхех болча оагӏон болхлой; гӏулакх кхоачашдеш вола суда пирстоп.
2024-ча шерарча ардара бетта судо соцам баьбар АГЗС болх соцабергболаш. Суда пирстопаша тӏахьожам лоаттабаьб цу гӏулакха. Тахан дӏайихьача рейдо хьахьекхар болх соцабаьлга, бакъда цу станце технологически гӏирсаш хӏанз а цу лаьттан доазон тӏа латташ да.
АГЗС доал деш хиннача сага тӏадиллар уж хӏамаш ӏалаьмате чехка цигара дӏахьо, аьнна. Цхьа ди ха еннай цунна рейд дӏахьош хиннараша», - дийцар тхога шахьара мэре.
