Дерригача дунен лаьттан Ди дездеча хана, къахьегама шоатта дӏадихьар дешархоша
23.04.2026 10:46
Дерригача дунен лаьттан Ди дездеш, къахьегама шоатта дӏадихьар мехкарча дешара моттигашка.
«Сердалога» из хоам бир цу гӏулакха хьалхаэттараша. «Бекарга бетта 22-ча дийнахьа дездеш да из ди ӏаламах дог лазараша. Ерригача Россе «Бералла наькъаш» яхача проекта доакъашхоша, «Хьалхарчар болам» яхача оагӏоно хьаллоацаш, «Баьццара бӏаьсти» яха Ерригача Россе болам дӏабихьар.
Ишколай доазош, гонахьара моттигаш цӏенъеш, нувхаш дӏайоахаш кулг тоха арадаьлар бераш, шоай хьехархошца.
«Тхо цӏенал хьаллоацаш да» яхача уйланца дӏабихьача балхо куц даьккхар паркий, мемориалий, ишколай доазоний, урамий», - йоах тхога бенача хоамо.
