ТӀема-патриотически кхетам баларо эзараш дешархой чулоац вайцига
«Къона патриот» яха Центр, тахан ГӏалгӀай мехка тӀема-патриотически кхетам балара керттера майда я, яхаш, дийцар «Сердало» газетага ГӀР Кулгалхочун зарбан болх лелабераша.
Тӏема-патриотически кхетам балара балха чуйоагӀаш я республикан еррига дешара моттигаш, цар вӀашагӀтох эзараш дешархой, студенташ.
«Белгалдаккха лов, цу Центра дӀахьош бар боккха болх хилар. Из хьакхеллар 2014 шера, цу хана денз дукха къона нах хьалкхийнаб, цун кхетамга гӀолла. Цо дӀадех профессионализм хиларал совгӀа, шоай гӀулакх дезаш хилар», - аьлар республикан кулгалхочо Келаматанаькъан Махьмуд-Ӏаьлас, цу балхах дувцаш.
Даь даьннар а кӀезига дац, дӀадахача шера шийтта бетта, Центро бӀаь совгӀа кхетаче дӀайихьар. Кагирхоша боккхача безамца ладувгӏ; тӀема кийчон, тохкама балха керттерча хаттарашка. Уж дика дакъа лоацаш ба цу юкъе спортивни ловзараш, исторически викторинаш дӀахьоча, цар вӀашагӀкхетараш хул цӀихезача нахаца, Россе Турпалашца.
Республикан кулгалхой къахьега лаьрхӀа ба, из хьал дегӀадоаладе, Даьхенцара безам совбоаккхаш, царна кхетам луш, российски паччахьалкхен сийдола истори царна довзийташ; цар массаза; шоай хьамсара Даьхе бахьан долаш; деша, къахьега безам хургболаш.
