Вай мехкарча СВО доакъашхошта гӏо дергда тӏема прокурора Лезьев Александра
Бахархой тӏаийбеш хиннача дийнахьа тӏакхихьача хаттарий ларах, тӏема операце доакъашхошта гӏо деш хургва тӏема прокурор Лезьев Александр.
«Шоай вахарца дувзаденнача цхьацца кхоачамбоацарех дувца баьхкар СВО доакъашхой, цар гаргара нах «Даьхен лорабой» яхача ганзе. Тӏема ветеран яха цӏи хьаэцарца, цхьацца бокъонашца, дегӏа могашал меттаоттаярца, иштта кхыдарашца дувзаденна дар тӏакхихьа хаттараш. Тӏема прокурорага гӏолла эггара керттердараш дашха аьттув хилар наьха. Дӏахо тахка дезача хаттарашка гӏолла дехараш чуделар цу дийнахьа», - дийцар тха газетага.
«Тахан тӏема декхараш кхоачашдеш латтарий бокъонаш боаггӏача боараме лораергйолаш терко е езаш да тхо. Ветеранашца, цар дезалашца кхетаче дӏахьош хилча дикагӏа довз цар вахарера кхоачамбоацараш», - аьлар Лезьев Александра.
Белгалде деза иштта бола болх дӏакхахьар тахан тӏема доакъашхой, цар дезалий вахаре лоархӏаме долга.
