Долакха-Юртарча ДЮСШ ялх майдилг яьккхар, Шолжа-Гӏалий тӏарча латара яхье
Долакха-Юртарча берий-ондаргий спортивни ишкола спортсменаш котбаьлар йийллача халкъашта юкъерча ший лоӏаме кӏалкхетаргах латара яхье. Из дӏахьош яр ондаргашта, кхувш боагӏарашта юкъе. Яхьаш дӏайихьар Шолжа-Гӏалий тӏа, ардара бетта 16-17-ча деношка «Олимпийски тӏехьале» яхача спортивни клуба совгӏат даккха.
Цу яхье дакъа лоацаш хилар 200 спортсмен. Долакха-Юртарча спортсменаша кхоъ дошо, цаӏ дото, шиъ борза совгӏаташ даьхар.
Дошо майдилгаш яьхар Гаракхой Адама (65 кг), Осменаькъан Мансура (68 кг), Коазой Мухьаммада (92 кг). Дото совгӏат даьккхар Осменаькъан Муслима (65 кг) дозал долаш. Уж кийчбаьр вар тренер Гаракхой Шамал.
Борза майдилгаш яьхар 51 кг дозал долча Тиймарзанаькъан Ӏаддал-Малика, цун тренер ва Акхасаганаькъан Микаил. Цхьаькха борза совгӏат делар 44 кг дозал долча Гиренаькъан Ибрахӏима, из а ва, Акхасаганаькъан Ювсапа ӏомавеш.
