Эбарга-Юртарча цӀагӏа-интернате Ӏомалуш долча берашта, Гӏурбан денош дездеш, ЛДПР совгӀаташ дир
Цӏайна хетадаьча шун тӏа даарий совгӀаташ оттадир ЛДПР ГӏалгӀайчен моттигерча даькъа викалаша, Эбарг-Юртарча цӀагӏа-интернате Ӏеш долча могашал яйнача берашта. Цу гӀулакха хьалхаваьннавар ЛДПР депутат Къоастой Ӏумар. Уж цига бахар хетадаь дар гӏурбан цӀай дездеш хилара.
Парте моттигерча даькъе белгалду, цу тайпара никъ - из цкъара беш бац, из даим беш бола дика никъ ба. Эбарга-Юртарча цӀен-интерната берашта дика бовз ЛДПРера хьаьший, уж бӀаргабайча чӀоагӀа гӀад а долх.
«Къаьстта йола терко эшаш долча берашта новкъостал дар,– из юкъарлон болх хинна Ӏац, из хӀара къахетамеча сага декхар да. ЛоархӀаме да цӀай долча хана хинна а ца Ӏеш, кхыча деношка а царна гарга хилар. ЛДПР хьаллоац интернат, дӀахо а новкъостал дергда цига Ӏеш болча наха», - аьлар Къоастой Ӏумара.
Берий цӀен администраце ший аргӀагӏа баркал аьлар, даим парте шоашта терко лоаттаярах.
