«Сигаленал лакхагӏа» яха фецара гойтам безабелар наьсархошта а хьаьшашта а
Наьсарен 245 шу дизара цӏай дездар цӏаккха дицлургдоацаш хилар, цо вӏашагӏтехар шахьара бахархой, хьаьший. Из болх вӏашагӏбеллараша кийчъяьяр дика, сакъердаме программа. Деррига чулоацаш, хӏара сахьат ше-ший программа йолаш дар. Эггара чӏоагӏагӏа наха безабеннар бар «Сигаленал лакхагӏа» яха гойтам.
Цӏай дездара программа дӏайолаелар берий салоӏамгара. Из моттиг хьалйизар беламах, аниматораш, конкурсаш, интерактивни доакъош зӏамигача бахархошта шортта сакъердам луш дар. 15:00 доалача хана берий сакъердам чакхбаьлар, бакъда берригача бахархой, хьаьший теркам тӏаозаш хилар «Сигаленал лакхагӏа» яха шоу.
Доакъашхой цецбаьннача латтийсар. Из яр боккъонца йола говзал, ше латтача саг тхьовсавеш йола. Из бахьан долаш Наьсарен цӏай дицлургдоацаш хилар, цо хьагойтар шахьар ший цӏай лакхача боарам тӏа дӏадахьа ховш йолга.
