Астраханера лораш новкъостала баьхкар СВО гӏалгӏай бӏухошта
Наьсарерча Республикански поликлинике дӏадихьар тӏема операце ветеранаш тӏаэцаш лаьрххӏа дола ди. Вай долча баьхка хилар Астраханера Россе ФМБА «Къаман лорий тохкама центрера бӏаргий лораш», яхаш, хоам бу «Сердало» газетага «Даьхен лорабой» ганза зарбан болх лелабераша.
«Лакха говзал йола лораш баьхкар Гӏалгӏайче, лаьрххӏача операце бӏухошта новкъостал де, уж ба тӏема декхар кхоачашдеш тайп-тайпара човнаш хинна нах. Лорий тоаба чубоагӏаш ба центра хьалхале лелаю бӏаргий лораш, сурдологаш, вестибулологаш. Цига лораш хьежар унахошка, лорий новкъостал дара болх дӏабихьар царца. Лакха говзал йола лорий новкъостал дезарашта кастлуш хирургически а меттаоттавара а дарба дергда, отоларингологе НМИЦ клиникан даькъе», - аьлар хоамо.
Цхьаннахьа ваха а ца везаш, цу тайпарча лорашца дагавалар – из вай бӏухошта доккха новкъостал да. Оаха дег тӏара баркал оал отоларингологе НМИЦ кулгалхошта, лорашта; вай турпалхошта цар иштта новкъостал дарах!» - аьлар «Даьхен лорабой» ганза филиала кулгалхочун гӏончас Чаненаькъан Ӏалихана.
