ГӏалгӀайчен лораша хьалхадоаккх бахархошта, «теӏа доахкаш» хала лазараш хилар
ГӏалгӀайчен унахцӀенон Министерствоc цу тайпарча хоамаца хьалхадаьккхар; республикан бахархошта даиман лела, иштта дӏа-юха доалаш доаца лазараш хилар, яхаш, хоам бу «Сердало» газетага лораша.
Иштта цар хьалхадоаккх царца малагӀа къовсам лоаттабе беза, уж хургдоацаш мишта лоравала веза.
«Лазараш да сагагара сага дӀадоалаш доацаш, къаьстта уж да дукхагӀча хана могашал йоаеш дараш, кхыметтел ханал хьалха саг вувш дараш. Царех да дега, онкологе лазараш, пехкашта хулаш дола лазараш, шекара диабет», - аьлар министерствон телеграм-канала тӀа, лоархӀамеча хоамах дувцаш.
Царех дукхагӀа дола лазараш юхатоха йиш йолаш да, бакъда диц ца деш хила деза: уж каст-каста, дагадоацаш, дегӀадоагӀаш хилар.
Белгалду, цӏий лакха хиларо; шекар, холестирин, дегӀа дозал хиларо, даим Ӏохайна вагӀаро, массахана дега бохам бувлаш хиларо сага дегӀа могашал кӀалъют. Из вай мехка, иштта ГӏалгӀайче дукхача наха доагӀаш да.
Иштта долча хьале сага ше кӀалхарваккхара де дезар лораша республикан бахархошта хьалхадоаккх, из да уж каст-каста лорашка чакхбоалаш хила безар.
Ший дегӀа могашал миштай хара: ций лакха дий, шекара боарам, дега пхаьнаш, дегӀа дозал миштад хьожаш, уж хьокхамаш шоай боарамах леладе деза. Ший даара юкъе тайп-тайпара кхача боаккхаш, дукхагӀа гӀаш никъ беш, гӀаьле ца озаш, корта бохабу малар а ца молаш, кӀезигагӀа тух юкъедоаккхаш даара, дукхагӀа баьцадаараш, сомаш баа беза.
Цу дерригане сага могашала дикка пайда бахьаргба.
