Магӏалбика кхален хоржамаш ду 23 моттиг, боаггӏача боарме болх дӏахьош я
Тахан ӏуйран бархӏ сахьат даларца, шоай болх дӏаболабир Магӏалбика кхалерча хоржамий 23 моттиго. Хоржамий комисси дерригача хӏаман боаггӏача боараме кийчо яь; бахархой тӏаийбеш, де дезар царна хьалхадоаккхаш я. Хоржама моттигаш хьаелларца, даггара хьаухаш, декхар кхоачашде сиха долаш да адам.
«Кхален администраце кулгалхо вола Къоастой Ӏаддал-Хьамид берригача балха лаьрххӏа тӏахьожам беш ва. Къаьстта терко еш ба кхерамзлен хьалаца, бахархошцарча лерхӏамца дувзаденнарашта. Хоржама комиссеца, тӏахьожарашца бувзам лоаттабеш, де дезар белгалдеш я администраци», - «Сердалога» из хоам кхаьчар кхален администрацера.
Кхален бахархошка кхайкарал ду хьакимаша, тов бетта 18-ча денгара 20-ча денга кхаччалца хургдолча хоржамашка хьадаьхке, шоай декхар кхоачашдеш хила, яхаш. Вай къаман лоархӏаме гӏулакх да тахан дӏадоладаьр, из кхетадеш, мехка накъаваргвар хоржаш, кхадж тасса беза хӏаране.
