Лицея дешархошца кхетаче дӏайихьар театра исбахьален кулгалхочо
Гӏалгӏай паччахьалкхен драматически театра исбахьален оагӏонцарча балха кулгал деш вола къаман цӏихеза артист Чахкенаькъан ӏийса Наьсарерча № 1 йолча лицее вена хилар. «Дешархошта лаьрхӏа культура» яхача Ерригача Россе йоаржаеш йолча проектага гӏолла дӏахьош бар из болх.
«Театрацара ший бувзам, доттагӏал маца, сенгара дӏадоладелар дийцар Чахкенаькъан ӏийсас берашта. Воккхача артистагара хайра дешархошта спектаклаш мишта хьакхолл, театре къахьегаш волча сага эггара керттера дола декхараш малагӏаш да, актёро эггара чӏоагӏагӏа лораде дезар фуд», - дийцар «Сердалога» театре. Иштта йола кхетаченаш къонача тӏехьенца дӏакхахьар лоархӏаме долга кхетаду вай тахан.
Культуран оагӏонцара вахар дикагӏа довз царна, цу мугӏаре къахьегарий гӏулакх а дезалу. Лицеерча дешархоша доккха баркал аьлар шоашца ха дӏайихьача воккхача артиста Чахкенаькъан ӏийсайна.
