Шолжерча Мархенаькъан Хьусена «Салтечун да» яха майдилг елар
Шолжа-Шахьарерча Мархенаькъан Сулеймана Хьусена юкъарлон сийлен совгӏат делар – «Салтечун да» яха майдилг.
«Кхетаче дӏайихьар безамеча хьале. Ганза филиала кулгалхочо баркал аьлар бӏухочун даьна; дика, денал дола воӏ, низ бола бӏухо кхеварах», - аьлар тхога бенача хоамо.
Тхога хоам баьчо яхачох, «Салтечун да» яха юкъарлон совгӏат хьожадаьр, «Россе Дай» яха Ерригроссийски юкъарлон болам ба. Из майдилг луш я лаьрххӏа йола тӏема операци дӏахьош денал гойтача бӏухой даьшта.
«Из совгӏат далар доккха сий да. «Салтечун да» яха майдилг ялар, ший воӏа дас бенна нийса кхетам тӏаэцаш хилар да: сий лорадар, ший цӏа лархӏар, Даьхе лорае кийча хилар. Оаш кхеваьв визза къонах, вай заман денал дола воӏ. Баркал шоана иштта цунна кхетам баларах!» – аьлар бӏухочун даьга «Даьхен лорабой» ганза филиала кулгалхочо.
