Шахьарерча яхье белгалбаьлар къона баскетболисташ
16.12.2025 15:17
«Даьхен лорбой» яхача ганза вай мехкарча филиало оттаяьча шахьара яхье шоай говзал гойта аьттув баьлар Илдарха-Гӏалий тӏарча къонача баскетболистий. Из хоам «Сердалога» бир цу моттигера.
Шахьарерча № 7 йолча ишколе дӏайихьар тӏема аренашка вахар хаьдача бӏухошта хетаяь яхьаш. Лоархӏаме моттигаш дӏалийца баьгӏараш бар СВО доакъашхой бола Махлой Микаил, Хазанаькъан Юсуф, Мейренаькъан Мухьмад, Хьаьшанаькъан Руслан.
Тӏем тӏа къонгаш байнарий оагӏув хьаллацара тӏехьа дӏахьош болх бар из. СВО ветераний бераш а дар ловзаш хиннарашта юкъе», - дийцар тха газетага. Ишкола спортзале бераш вӏаший довзаш, толама цхьана гӏадъухаш дар. Котбаьннарашта грамоташ, совгӏаташ делар цига.
