Беркате болам хьаллаца арадаьлар вай бераш
Вай мехкарча зӏамигача ӏаламхоша (юннаташа) хьаллаьцар «ӏан хана оалхазараш дузаде» яха беркате болам. Из хоам «Сердалога» бера ӏалама гӏулакхех йолча министерствера.
«ӏан шелал хьаэттача бӏайхача мехка дӏа ца долхаш дусаш долча оалхазарашта хетаяь урок дӏайихьар къонача зӏамигача ӏаламхой моттиге.
Берашта хьалхадаьккхар, оалхазараша ӏан шелал хала ловлга, цунга хьежжа царна массахана ялат тувсар чӏоагӏа лоархӏаме долга», - йоах тхога кхаьчача хоамо.
Хьазилгий цӏалг даиман ялат чудолаш хила дезилга, цар дикагӏа юаш яр ӏов, генаргаш, бӏараш, комараш йолга дийцар, берашца къамаьл деш.ӏан шелал латтача хана, хьазилгаш массахана диза хила деза, бӏаьстенга дала аттагӏа хургдолаш. Шоай хьехархочунца арабаьнна, хьазилгий цӏалгаш ялатах хьалдузаш лийлар бераш, из болх геттара безабенна.
Белгалде деза, иштта йола урокаш къонача тӏехьенца дӏакхахьар лоархӏаме долга. Каст-каста ишттача боламашта юкъе дакъа лацаро кхувш латтарий дегаш къахетаме, дикал йоаржаеш хила ӏомаду.
