Чайка Юре Гӏалгӏайчен бахархой даькъалабийцар республикан Денца
Къилбаседа Кавказа федеральни куран РФ Президента викал ваьча Чайка Юре Гӏалгӏайчен бахархой даькъалабийцар республикан Денца, яхаш, дийцар ГӏР Кулгалхочун зарбан болх лелабераша.
«Хьамсара Гӏалгӏайчен бахархой!
Аз дег тӏара даькъаладувц шо республикан Денца!
Йоккха культуран тӏехьале, тамашийна хоза ӏадаташ долча республико дӏахьу ший даьй дика никъ, дегӏайоалаю промышленность, юртбоахам, вахара дакъа.
Гӏалгӏайчен таханарча толамашта керте латт хӏама кхоллара низ, зӏамигача Даьхенцара боккха безам, юкъарча гӏулакхаца бехктокхаме хилар. Къаьстта цхьоагӏо, барт болаш республика хиларо тӏехьают моллагӏа йола халонаш, чӏоагӏъю экономика, лорабу халкъашта юкъера машар, из кхы а дикагӏа хулаш йоагӏа кердача ноахалашта.
Могаш а керда толамаш доахаш а, ди тӏехьагӏа дукхагӏа дегӏайоагӏаш а яхийла республика, Къилбаседа Кавказ, иштта вай юкъара сийдола Даьхе Росси!», — йоах СКФО гӏолла волча РФ Президента викало даьча кхайкарал тӏа.
