Лаьнанаькъан Залинай кхетаче хилар, ара болх беча суртанчашца
Жӏайрахьа кхале чакхбоалаш ба «Гӏалгӏайче – искусствон доазув» яха, ара сурташ дехкаш дӏахьош хинна Ерригроссийски говзанчий болх. Цига гулбелар Россе тайп-тайпарча моттигашкара суртанчаш. Царца къамаьл хилар республикан культуран, туризма министра Лаьнанаькъан Залионай.
Министра баркал аьлар говзанчашта цар Гӏалгӏайченца иштта дог хьаувш хиларах. Цо яхачох, цу тайпара проекташ хиларо новкъостал ду наха къаман культуран, ӏалама тӏехьале йовза, иштта мехка моттигашта юкъера бувзам лелабе, культуран туризм дегӏайоалае.
«Гӏалгӏайче ший тайпара истори, культура, тамашийна ӏалам дола лаьттан дакъа да. Тхо раьза да шо укхаза долаш, шоана тха гӏалаш, чӏоже хоза хеташ хилара, шун болх царца безам болаш дӏахьош хилара. Со тешаш я укх деношка оаш дӏахьош бола болх сийрда тешал хургда тха мохк хоза хилара, шоана дуккхача ханашка из дагалаттаргхилара», - аьлар Лаьнанаькъан Залинас.
Кхетаче безаме дӏайихьар. Суртанчаша дийцар шоашта дезаденнарех, баркал аьлар шоаш иштта дика тӏаэцарах, цу тайпарча хьалашка шоай болх бе таро хиларах.
