Наьсарерча мэра гӏончанна еза цӏи елар
22.12.2025 12:03
«Гӏалгӏай республикерча ӏаьдала моттига доал дарах йола цӏихеза болхло» яха цӏи елар Наьсарерча мэра гӏонча йолча Алхастанаькъан Хадена. Из хоам «Сердалога» бир администраце зарбан болх лелабераша.
Цун балхарча новкъосташа белгалдечох, ший декхараш бехктокхаме, дизза кхоачашдара тӏехьа хьинаре къахьегаш хьайоагӏача Хадена из цӏи тахан йоагӏаш еннай.
«Наьсарерча бахархой вахара хьал тоадара тӏехьа цо къахьегар мах баь варгвоацаш да», - белгалдир мэре.
Шахьара администраце даькъалаювц Хади дӏахо а иштта хьинаре, бахархоех дог лазаш, къахьега! Иразе, аьттув болаш хилда цун денош.
