Догӏан хиш айдаларах, коара лаьтта ӏотекхад
Ца соцаш, сов дукха догӏаш латтарах Юкъерча Ачалкхерча цхьан цӏен гонахьара лаьтта ӏодихьад, цӏен гӏулакх кхерамеча хьале оттадеш. «Цу гӏулакхага хьежай Магӏалбикерча администраце тоаба, юртара хьакимаш. Комиссе доакъашхоша из деррига тохкаш болх дӏабихьар цига, каьхаташ оттадир», - дийцар «Сердалога» кхален администраце зарбан болх лелабераша.
Моллагӏча хатара духьала кийча хургболаш болх ба, Магӏалбике дӏахьош. Цу оагӏонцара къахьегамхой 24 сахьата терко еш ба эттача хьала. Хиш айдалара боарам бусташ, хьал геттара халача дерзе, хин моттигашта юхе бахача наха эггара хьалхарча оагӏонца де дезар хьалхадоаккхаш, дӏабахьа безача балха кийчо еш ба цига. Юрташкарча администрацешта,
МЧС болхлошта юкъе дийнахьа-бийсан бувзам ба. агӏалбика кхален администраце бахархошка кхайкарал ду; лоралуш, керттерча хоамашка ладувгӏаш , сабаре хила, яхаш.
