Цӏермашина наькъаша Гӏалгӏайчен экономиканна керда таронаш хьаелл
Гӏалгӏайчен премьер-министр Сластенин Владимир дакъа лоацаш хилар, РФ экономически дегӏаахара министра гӏончас Назаров Сергейс кулгал а деш, дӏахьош хиннача кхетаче, яхаш, дийцар «Сердало» газетага ГӏР министрий кабинета зарбан болх лелабераша.
«Цига дийцар, СКФО нах а, мухь а дӏа-юха кхухьаш дола цӏерамашена наькъаш дегӏадоаладарах.
Лоархӏамеча декхарах цаӏ хилар Сипсой-Гӏала-Шолжа-Гӏала йолча даькъ тӏара цӏермашина никъ меттаоттабарах, из чудоагӏаш да Минеральные Воды-Наьсаре-Шолжа-Гӏала-Махачкала-Дербент нах а мухь а дӏа-юха кхухьаш бола цӏерамашина никъ ӏобиллара проект кхоачашъеш хилара», - аьлар хоамо.
Из проект вахара юкъейоаккхаш хиларах хьакхолла таро хургья Къилбаседа Кавказе цаӏ йола транспорта оагӏув, цо цу куран транспорта бувзам шербергба, дӏа-юха кхувлаш бола нах а, мухь дӏабахьар а дукхагӏа хургда.
«Цу тайпара хьалаш цӏермашина наькъ тӏа хьакхоллаш хиларо ерригача Къилбаседа Кавказа бахархой экономика тоаергья, бизнес лелае а таро хургья. Из проект хьакхоллаш хилар мехкашта юкъера бувзам лелабара Гӏалгӏайченна а лоархӏаме да», - аьлар ГӏР Паччахьалкхен Председатела Сластенин Владимира.
Кхетачен доакъашхоша йоагӏаш йола терко йир уж балхаш дӏадахьа лерхӏача доазон тӏа эшача ахчанца ӏалашо яра. Дӏахойодача хана, кхы ха ца йоаеш, из проект кхоачашъяр дувцаргда «РЖД» ОАО, иштта федеральни ӏаьдала моттигашца цхьана.
