Кредиташца тийшаболх лелабаь мехкахо суда жоп дала дезаш ва
Банка духьала тийшаболх кхостабаьча сага гӏулакх тохкаш хилар Илдарха-Гӏалий тӏара тохкамхой. Кредиташ ийца, банк ӏехае лаьрхӏа хинна 36 шу даьнна мехкахо бехктокхаме озаш ва РФ УК 3-ча даькъа 159 ст.
«Сердалога» цу моттигера бенача хоамах, 2024-ча шера оагӏой бетта даьд из зулам. Онлайн оагӏонга гӏолла кредит эца лаьрхӏад цу сага ӏаьдало из гӏулакх боаггӏача боараме тохкарг ма дий, аьнна, дагадоацаш. Мобильни банке ше чуденнача дехар тӏа вахача моттигах, хьатӏадоагӏача алапех дар харцахьа оттадаьд цо. 2,3 млн сом кредит эца аьттув баьннаб цун банкера.
Кредит ийцар бехктокхаме ва аьнна шийх хетийташ, цхьан юкъа хӏара бетта ахча дӏатийнад цо, бакъда массехк бутт баьлча Арбитражни судага гӏолла къевалар (банкрот) оттадайтад шийна. 2,3 млн сом ахча ший дега ма тов дехкад цо.
Тохкамхоша из бехке хилар белгалдеш мел дола хӏама гулдир, прокурора из хьаллаьцар, тахан тӏеххьара тӏадам судо оттабергба цу гӏулакхе.
