«Жӏакаш СВОнна» яхача яхье дакъа лоацаш хилар вай мехкахо
Моттигерча ловзаре «дошув» даьккха Бекмарзанаькъан Мухьмад Ерригача Россе жӏакай яхьашка вай республика дӏайовзийташ хилар. СВО ветеранашта юкъера из яхь Лохерча Тагиле дӏахьош яр. Мехка 89 моттигера 106 доакъашхо вар цига гулвеннараш.
«Сердалога» баьча хоамах, СВО доакъашхой жӏакай турнир пхе турах латташ хилар. Кӏай-ӏаьржа чӏегилгаш йолча улгашта гонахьа хайшараш дикка уйла е езаш хилар цу дийнахьа.
Россе тайп-тайпарча миӏингашкара гулбенна тӏема аренашка Даьхен хӏама лорадеш лаьттараш вӏаший бовзаш, доттагӏал тоссаш, юкъарча декхарех дувцаш моттиг хилар цох. Тӏема доттагӏал яхача дешо вӏашкаэзар уж берригаш цхьан доазон тӏа.
СВО бӏухошта юкъе из яхь дӏаяхьа дагадехар вар гроссмейстер, жӏакаех йолча дунен яхьашка массехказа чемпион хинна Карякин Сергей. Къаман программага гӏолла из турнир дӏаяхьа гӏо дир «Цаӏ йола Росси» яхача парте доакъашхоша, «Даьхен лорабой» яхача Паччахьалкхен ганзо. Берригача доакъашхой дог ураоттадеш моттиг хилар цох.
