Наркотикаш йохкаш хинна Эккажкъонгий-Юртара вахархо суде кхаьчав
02.02.2026 10:14
Хьалхагӏа суд яь хиннача, 21 шу даьннача Эккажкъонгий-Юртарча вахархочун гӏулакх тохкаш хилар ӏаьдала болхлой. «Сердалога» из хоам бера МВД болхлошкара.
Диккача боараме наркотикаш лелаяьй цу сага ший цӏагӏа.
«Тахан суде белгалдечох, 2024-ча шерарча оагӏой бетта, Наьсаре 10 000 эзар сомах полици болхлоша оттаваьча сагага 4 грамм «Прегабалин» яха наркотик ехкай цо», - дийцар тхога прокуратуре.
Иштта ший цӏагӏа «Эфедрон», героин яха «дохьаж» улладаьд цо 50 граммал совгӏа, «Прегабалин» уллаяьй 650 грамм гаргга. Чухьежача ӏаьдало дӏалаьцар уж шеяр.
Диъ шера набахта валла ха техар цу сага, хӏаьта из «дохьаж» дехка цо хьадаьккхар паччахьалкхенна дӏахьожадир.
