«Хьалсага хьай дог» яхача цIий дIалуча боламе дакъа лаца бех бахархой
27.01.2025 10:25
Дикача наьха клубо бахархой тIабех, цIий дIачутелача боламе дакъа лаца. «ЦIий дIачуийдеча республикерча моттиге ерача дийнахьа дIахьоргья из беркате кхетаче. Даьла духьа цIий дIачудала ловш вола саг ийс сахьатагара 12 сахьатага кхаччалца, цига хьатIава веза. МоллагIа хIама дIахатта йиш хургйолаш, гIо деш лелараш хургба цига, новкъостал де кийча болаш», - дийцар тха газетага из болам дIахьочар.
«Вайх хIаране низ дIакхоачаш дола беркате гIулакх да из. Халача лазаро лаьцача унахошта чIоагIа эшаш да вай дIачутелаш дола цIий, цудухьа аьттув мел барашка цу юкъе дакъа лацар дех», - аьлар СММ менеджер йолча Гиренаькъан Лейлас.
