«Кхетам» яхача оагӏон проекташка дакъа лаца хьех вай мехкахой
Хьехархошта, юкъарча оагӏонцарча доакъашхошта, берашта лаьрхӏа ловзараш хьакхолларашта йоккха ши проект йоаржаеш, тахан дехараш чуэца болх дӏаболабеш ба «Кхетам» яхача оагӏонца. Из хоам «Сердалога» бир Паччахьалкхен зарбан болх лелабераша.
«Кхетам.Преми - дешарца дувзаденна мехка керттера совгӏат. Ялхлагӏча бӏала 16 оагӏув юкъелаьцаб, иштта цу юкъе кердадараш а да: «Россе къамаш цхьанкхетара тӏехьа къахьегар», Вавилов Сергея цӏерах бола оагӏув – «Дукхача шерашка наха юкъе сердалон болх дӏакхахьар», - дийцар тха газетага.
Вай мехкарча тайп-тайпарча говзанчаша шоай проекташ, кхоллама наькъаш довзийтаргда цига. Белгалде деза, яхьий 5 бӏалах РФ 89 моттигера, иштта дунен 79 мехкара 65 эзар совгӏа дехар чуденна хиннилга. Дӏадахача шера лауреаташ хилар 210 доакъашхочох. 2026-ча шера РФ 86 моттигера 5 эзар совгӏа дехар чуденнад цига хӏанзле.
Укх бетта 28-ча денга кхаччалца, чудала деза дехар «Ловзарийи ловзоргийи маӏан» яхача оагӏонца дакъа лаца безам болчо, ахкан тӏехьарча бетта 14-ча денга кхаччалца - «Тарадараш», «Хьадаь даьнна хӏама» яхача оагӏонца. 45 толашагӏа йолча проекта юкъе нийсвалар да цу балхаца лоархӏаме, цар балхаш хьаллоацаргда, вахаре кхоачашдеш.
Цул совгӏа, котбаьннараша кхеллараш вахара юкъедоаладерий Банка юкъе хургда, цар могадераш кхоачашдерашца бувзам лоаттабеш.
«Кагирхойи, бераши» яхача къаман проектага гӏолла дӏахьош я шаккха яхь. «Кхетам.Преми», «Хьамсара ловзорг» яхача проектий керттерча сайтага гӏолла довза йиш цу оагӏонца дувзаденнараш, моллагӏа бола хоам.
