Гӏалгӏайчен бахархой тӏахьех, дукхагӏа гӏаш лелаш хилара
Гӏалгӏай мехка наджгоанцхой бетта 12-18-ча деношка дӏахьоргда, «Хьинаре хилара тӏахьехаш дола кӏира». Гӏалгӏай Республикан Наьсарен кхален администраце хоам бу цох бахархошка, ший телеграм-каналага гӏолла.
«Из кӏира дӏахьош хилара бахьан - нахага хоам дӏакхачийтар, физически болх беш хилар эшаш долга», - йоах хоамо.
Наха хьалхадоаккх, мел лоархӏаме да лелаш хилар, гӏаш никъ бар, дукха ӏохайна вагӏаро цхьацца дола дегӏацара лазараш хьахьоаду, дог лазадоаккх, керта тӏа бода пха эккха йиш я, цӏи йоаца, иштта кхыдола лазараш, сага нерваш корзагӏйоаха хьал сомадоал.
Белгалду, Гӏалгӏайче тайп-тайпара физически упражненеш ераш ди тӏехьагӏа совбоалаш латт. Каст-каста физкультура еча наьха магар дуккха а дикагӏа да, дукха ӏохайна вагӏача сагачул. Цудухьа наха лаха беза шоашта мегаш бола никъ. Гӏаш лелар да эггара дукхагӏа эшаш дар; цул совгӏа, спортивни майдан тӏа физически упражненеш еш хила веза.
«Физически упражненеш - из геттара нийсагӏа, сага могашал тоаеш йола «молха» я. Из вай кулга кӏалха я даим, бакъда вай башха лелаеш а яц. Цудухьа наьха могашал эшаенна я. Из деррига тоаде йиш йолаш да», - аьлар могашал тоаяра нах тӏахьехаш.
