Лоаман ГӏалгӀайчен бахархой дикагӀа йола моттигаш белгалъеш ба
ГӏалгӀайчен Жӏайрахьа кхале дӀахо дӀахьош ба тоае езача моттигий Ерригроссийски онлайн-кхадж тассара болх, яхаш, дийцар «Сердало» газетага республикан гӀишлошъеча Министерстве.
«Бахархоша тоаде деза моттигера доазонаш хьакъоастадергда. Харжа оттаяьй ши моттиг, уж тоаергья 2027 шера «Вахара таронаш» яхача къаман проекта чуйоагӀаш: Бейнера Центральни урама сквер, иштта Хьулера Укуранаькъан урам тӏара сквер», - аьлар хоамо.
Кхы а ха я республикан лоаман даькъ тӀа бахача нахага хоржам бара. Кагирхошкара дӀаболабенна къоаношка кхаччалца болча наха кхадж тосса ха дӀахьоргья аьтинга бетта 12-ча ди тӏаотталца. Хӏара тоаяь яьнна моттиг лоархӀаме я лоам бахача наха, цига вӀашагӀдохкаш да дика салоӀама а, вахара а хьалаш. Моттигашка болх беш ба волонтёраш, цар новкъостал ду наха кхадж тасса.
