Этнографе цӏайна юкъе дакъа лоацаш хилар вай мехкахой а хьаьший а
Хӏара шера дӏакхухьаш да вай мехка Маьтлоам тӏа бувлаш дола Маьт-Сели яха этнографе цӏай. Миннацо бахархой тӏахьех, цу юкъе дакъа лацара. «Сердалога» из хоам бу цу министерствера. Укх бетта 20-ча дийнахьа дӏахьоргба из болх. Керда нах бовза, доттагӏал тасса, дог ураоттаде аьттув луш дола гӏулакх да из.
«Наьсарерча автовокзале укх бетта 20-ча дийнахьа, ӏуйран 6 сахьат даьлча гуллургба дакъалоацараш. Ворхӏлагӏчох ах сахьат даьлча дӏаарабаргба берригаш цигара. Маьтлоам тӏа бовла безам бараш хьалбугаш, иштта цӏабоалабеш лаьрхӏа оттаяь машин хургья. Дакъа лаца ловш бараш укх бетта 15-гӏа ди кхачале https://max.ru/joӏn/zJxMF8ZtetcY9LEcKljFzӏA0r5CG4KLSCDq7K2ohCTc чата юкъе хила беза. Белгалде деза, тоаба вӏашагӏайоллар боарам болаш долга», - йоах министерствон хоама тӏа. Маьтлоам тӏа вала аравоалача сагага ший паспорт хилар лоархӏаме да.
