9-ча аргӏагӏа латтача ши бӏаь шу даьннача гаьна тӏехьа кхадж тоссаш ба мехкахой
«Укх шерара Россера га» яхача яхьашка дакъа лоацаш ба вай мехкахой, кхыйолча моттигашкара бахархой санна. Из хоам «Сердалога» бир ӏалама гӏулакхех йолча министерстве.
«Цӏихеза йолча вай къаьнарча, эрий тӏаяьннача кхора гаьна оаз дӏалуш ба мехкахой. 2ӏ6 шу даьнна йола из га Жӏайрахьа кхален Ляжге яхача гӏалай моттига юхе ягӏа. Тахан вай лоамара къаьна кхора га «Укх шерара Россера га» яхача яхьашта юкъе я, вай массане а къахьега деза цо котало йоаккхаргйолаш. Таханарча дийнахьа из га хержараш 359 саг ва, бакъда из тоъам болаш дац.
Кхы а кадайгӏа, дикагӏа кхаста деза вай!» - йоах ӏалама гӏулакхех йолча министерствон болхлоша. Иштта болх хилча, из хӏама дӏа-хьа доаржаде деза гаргарча, бовзача наха юкъе, массабараш тӏахьеха дакъа лаца, коталонга кхача гӏо де вай гаьна!
Маьцхали бетта 1-ча денга кхаччалца rosdrevo.ru сайте дӏахьоргда хоржамаш. Къаьнара кхорий га 9-ча аргӏагӏа латт. Белгалде деза, иштта йола яхьаш дӏакхахьар боккха пайда боаржабеш, ӏалама хозаленаш лораяра, хам бара адам тӏахьехаш йолга.
