Гӏалгӏайчен бахархой таро я ЖКХ декхар дӏалуча пайда бе
Гӏалгӏайчен бахархой бокъо йолаш ба ЖКХ дӏадодар кӏеззига мукъагӏа меттаоттаде, хӏара бетта ахча доагӏаш хила. Из хьал леладара цар дехар язде деза, иштта каьхаташ даха деза, ше пайда боагӏаш хилара бокъо йоаккхаш.
«Цу каьхаташта чудоагӏаш да паспорт, СНИЛС, ше чувахача фусама каьхаташ, из ахча шийна доагӏаш хилар хьагойташ дола каьхат, леладеш дола ахча лоаттадеча моттига чота тӏара даьккха каьхат, «Мир» карта чулоацам. ЕДК кийчъяра ваха веза субсиди, меттаоттаду ахча луш йолча моттиге. Цига ха йиш я, хоадам боллаш малагӏа каьхаташ эш», - аьлар «Сердало» газетага Гӏалгӏайчен Паччахьалкхено.
Из ахча хӏара сага ше-ший боарам болаш луш да. Цига дӏалоархӏ цу сага аьттонаш хилар, иштта из далара бокъонаш. Хӏана аьлча ЕДК далара бокъонаш ювзаенна я ЖКХ хьалаш леладарца. Юххера а, хьалуш дола ахча ца хила йиш я, квитанце тӏа латтача маьхах ах миссел.
